दमौली/दमौली स्थित सत्यवती माविमा गोरखा जिल्ला भिमसेन थापा गाउँपालिकाको आयोजनामा गरिएको शैक्षिक अवलोकन भ्रमणको सिलसिलामा आएका भ्रमण समुहविच अन्तरक्रिया कार्यक्रम सम्पन्न भएको छ । भिमसेन थापा गाउँपालिकाका प्रमुख इश्वर पाण्डेको नेतृत्वमा आएको उक्त समुहमा गाउँपालिकाका उपप्रमुख, प्रशासकिय अधिकृत तथा गाउँपालिका भित्रका विभिन्न विद्यालयका प्रधानाध्यापकहरुको सहभागिता रहेको थियो ।
व्यवसायिक तथा प्राविधिक शिक्षा प्रदान गर्ने एवं सामुदायिक विद्यालयहरुमा उत्कृष्ट शैक्षिक उपलब्धी प्राप्त गर्ने शैक्षिक संस्थाहरुको अवलोकन भ्रमणका लागी उक्त समुह सत्यवतीमा आएको हो । शैक्षिक गुणस्तर वृद्धिगर्न के कस्ता विधि तथा तौरतरिका अवलम्बन गर्न सकिन्छ भन्ने विषयमा बहस गरिएको उक्त कार्यक्रममा विद्यालयको आर्थिक, प्रसाशनिक, शैक्षिक, नमुना विद्यालय एवं भौतिक विषयमा छलफल गरिएको थियो । समुहले सत्यवती मा.वि.को कम्प्युटर ल्याव, पुस्तकालय, विज्ञान तथा इन्जिनियरिङ्गका ल्याव, लेखा तथा प्रसाशन साखाको अवलोकन गरेको थियो । कार्यक्रमको अध्यक्षता गरेका विव्यस अध्यक्ष सूर्य अधिकारीले समग्र व्यवस्थापकीय पक्षका बारेमा जानकारी गराउदै शिक्षक, विद्यार्थी, अभिभावक तथा समुदायको लगावका कारण विद्यालय यस स्थानमा आइपुगेको बताए । विद्यालयका अनुसार प्रधानाध्यपक इन्द्रप्रसाद पौडेलले शैक्षिक एवं प्रसाशनिक गतिविधी जानकारी गराउदै सहजीकरण गरेको अन्र्तक्रियामा शिक्षक अभिभावक संघ अध्यक्ष रामचन्द्र सापकोटा, विव्यस सदस्य सन्तमान श्रेष्ठ लगायतले बोलेका थिए ।