अनन्त कपको उपाधि दोभानलाई

दमौली/व्यास १० डिहीगाउँमा आयोजित प्रथम अनन्त कप सेभेन ए साईड फुटबल प्रतियोगिताको उपाधि दोभान युवा क्लबले हात पारेको छ । भादगाउँका दोभान युवा क्लब ‘ए’ ले आयोजक टिमलाई १–० गोल अन्तरले पछि पार्दै प्रतियोगिताको विजेता बनेसँगै ७० हजार पुरस्कार राशी प्राप्त गरेको हो । उपविजेता अनन्तले भने ३५ हजार रुपैयाँ पुरस्कार राशी प्राप्त गरेको छ । प्रतियोगिताका विजेतालाई व्यास नगरप्रमुख बैकुण्ठ न्यौपानेले विजेतालाई पुरस्कार प्रदान गरे । कार्यक्रममा व्यास १० का वडाध्यक्ष तुलसीराम सामकोटा, शान्तिनगर टोल विकास संस्थाका अध्यक्ष प्रेमराज मिश्र, क्लबका निवर्तमान अध्यक्ष ईश्वरप्रसाद पौडेल, क्लबका सदस्य समुन्द्र ढकाललगायतले बोलेका थिए ।