दमौली/नेपाल रेडक्रस सोसाईटी तनहुँ शाखाले बुधबार आयोजना गरेको अन्तर्राष्ट्रिय वेपत्ता विरुद्धको दिवसका सन्दर्भमा आयोजित कार्यक्रममा सहभागि पीडित र पत्रकारहरुले वेपत्ताको स्थिति यथासिघ्र सार्वजनिक हुनुपर्ने माग गरेका छन् ।

जान्न पाउने अधिकारको सुनिश्चितताका लागि अन्तराष्ट्रिय वेपत्ता विरुद्धको दिवस सन्देश सहितको कार्यक्रमका प्रमुख अतिथि निमित्त प्रमुख जिल्ला अधिकारी काशीराम गैरेले वेपत्ताको स्थिति सार्वजनिक हुनुपर्नेमा द्विविधा नरहेको बताए । कार्यक्रममा वेपत्ता परिवार समाज तनहुँकी अध्यक्ष सर्वदा खनाल घिमिरेले न्यायको लागि सर्वोच्च अदालतको ढोकामा पुग्दा पनि निराश भएर फर्कन परेको गुनासो पोखेकी थिईन ।
नेपाल रेडक्रस सोसाईटी तनहुँ शाखाका सभापति कृष्णहरि वाग्लेको सभापतित्वमा भएको कार्यक्रममा गैसस तनहुँका महासचिव राजेश्वर हड्खले, कृष्णचन्द्र पाण्डे बोलेका थिए ।