दमौली/लामो समयको प्रयास पछि नेपाल रेडक्रस सोसाईटी तनहुँ शाखालाइ बल्ल एम्बुलेन्स प्राप्त भएको छ । नेपाल रेडक्रस सोसाईटी तनहुँ शाखामा चालु अवस्थामा रहेको एम्बुलेन्स जीर्ण भई मर्मत गर्न नसक्ने भएपछि लिलाम विक्री गरि रिक्त भएको थियो । पछिल्लो समयमा रेडक्रसको अन्तराष्ट्रिय महासंंघ आईएफआरसीको सहयोगमा ३० एम्बुलेन्स खरिद गरिएकोमा २२ जिल्ला शाखालाई र आठ उपशाखालाई उपलब्ध गराउने केन्द्रिय समितिको निर्णय अनुसार तनहुँ शाखाले एम्बुलेन्स प्राप्त गरेको थियो । झण्डै पाँच बर्ष एम्बुलेन्स विहिन भएको तनहुँ शाखा एम्बुलेन्स पाउने शाखामा पर्नुमा धेरैको सदासयता हुँदाहुँदै पनि निर्णय गर्ने बेलाका तत्कालिन केन्द्रिय सदस्य प्रदीप घिमिरेलाइ यसको जस गएको छ ।
