समाचार

साभुङ्ग/सरस्वती माध्यमिक विद्यालयमा माघ २७ गते निःशुल्क स्वास्थ्य शिविर हुने कुरा घिरिङ्ग गाउँपालिकाले जनाएको छ । घिरिङ्ग गाउँपालिकाको आयोजनामा हुने सो शिविरमा कास्की सेवा हस्पिटल एण्ड रिसर्च सेन्टर प्रा.लि. ले प्राविधिक सेवा प्रदान गर्ने कुरा हस्पिटलका म्यानेजर सुन्दर पोख्रेलले बताएका छन् ।
घिरिङ्ग गाउँपालिकाको वडा नं. ५ मा हुन लागेको सो निःशुल्क स्वास्थ्य शिविरमा बरिष्ठ फिजिसियनबाट मुटु, फोक्सो, तथा पेट सम्बन्धी चेकजाँच हुनेछ । बरिष्ठ स्त्री रोग विशेषज्ञबाट तल्लो पेट दुख्ने, महिनावारी गडबडी सम्बन्धी समस्याको चेकजाँच हुनेछ । बरिष्ठ हाडजोर्नी तथा नाशा रोग विशेषज्ञबाट हाडजोर्नी सम्बन्धी सम्पूर्ण चेकजाँच गरिनेछ । शिविरमा ल्याव सेवा समेत उपलब्ध हुनेछ ।
रगतको परिक्षण, पिसाब, मुटु परिक्षण हुनुको साथै भिडियो एक्सरे सेवा समेत प्रदान गरिने म्यानेजर पोख्रेलले बताए ।