भानु/भानु नगरपालिका १३ पैयास्वारामा आधारभूत स्वास्थ्य सेवा प्रारम्भ भएको छ । अहेब १ अनमी १ र कार्यालय सहयोगी १ रहने केन्द्रबाट सेवाको सुरुवात एक कार्यक्रमबीच जिल्ला समन्वय समिति तनहुँका प्रवत्ता गल गुरुङले साउन ५ मा गरे । ढिलै भएपनि स्वास्थ्य सेवा उपलब्ध गराउन सकेकोमा सो अवसरमा गुरुङले खुसी व्यक्त गरे । वडाध्यक्ष रामबहादुर बानियाको अध्यक्षतामा आयोजित कार्यक्रममा वडा सदस्य शान्ता मौराती, जनजाति अध्यक्ष राम प्रसाद गरुङ, महिला संजालकी अध्यक्ष गिता पौडेल तथा टुटेपानी सामुदायिक होमस्टेका अध्यक्ष क्या. होमबहादुर गुरुङले वडामै स्वास्थ्य सेवा पाउने भएकोमा प्रसन्नता व्यक्तगरे ।
