प्रतिनिधि सभा निर्वाचन–२०८२: तनहुँ–१ र २ मा क्रमशः १६ र १२ जनाको मनोनयन

दमौली/फागुन २१ गते हुने प्रतिनिधि सभा निर्वाचन अन्तर्गत पहिलो हुने निर्वाचित हुने निर्वाचनका लागि तनहुँमा उम्मेदवारको मनोनयन मंगलबार सम्पन्न भएको छ ।
निर्वाचन अधिकृतको कार्यालय तनहुँका अनुसार निर्वाचन क्षेत्र नं १ मा विभिन्न दल र स्वतन्त्र गरी १६ जनाले मनोनयन दर्ता गरेका छन् ।
निर्वाचन क्षेत्र नं १ मा मनोनयन दर्ता गर्नेहरुमा नेपाल कम्युनिस्ट पार्टी (माओवादी) का अ‍ोमविक्रम पन्थ–५८, श्रम संस्कृति पार्टीका काशीराम गुरुङ–४१, नेपाली कांग्रेसका गोविन्द भट्टराई–६२, आम जनता पार्टीकी चिजामाया अधिकारी–४३, स्वतन्त्र उम्मेदवार दिपकराज जोशी–५६, मंगोल नेशनल अर्गनाईजेशनका प्रेमबहादुर थापा–४४, नेपाल कम्युनिस्ट पार्टी एमालेकी भगवती न्यौपाने–४९, उज्यालो नेपाल पार्टीका मन्जिल राना–३७ रहेका छन् ।
यसैगरी नेपाल जनमुक्ति पार्टीका यामबहादुर आले–६८, नेपाल मजदुर किसान पार्टीकी रामलक्ष्मी दुवाल–३९, राष्ट्रिय प्रजातन्त्र पार्टीका रामदत्त जोशी–३५, स्वतन्त्र लेखनाथ खनाल–७१, नेपाली कम्युनिस्ट पार्टीका विद्यानाथ ढकाल–६५, स्वतन्त्र सन्देश रानाभाट लौंडारी–२९, नेशनल रिपब्लिक नेपालका सुमन थापा मगर–४१ र राष्ट्रिय स्वतन्त्र पार्टीका स्वर्णिम वाग्ले–५१ ले पनि मनोनयन दर्ता गरेका छन् ।

निर्वाचन क्षेत्र नं २ मा १२ जनाको मनोनयन दर्ता भएको छ । यहाँ कसैको पनि स्वतन्त्र उम्मेदवारी परेको छैन । यहाँ मनोनयन दर्ता गर्नेहरुमा राष्ट्रिय जनमुक्ति पार्टीका लालबहादुर सार्की (गोतामे)–४०, राष्ट्रिय प्रजातन्त्र पार्टीका यमबहादुर ठकुरी–५८, नेपाल जनमुक्ती पार्टीका पूर्णबहादुर राना–४६, नेपाल कम्युनिस्ट पार्टी एमालेका केदार सिग्देल–६२, मंगोल नेशनल अर्गनाईजेशनकी सुष्मा आले–२८ र नेशनल रिपब्लिक नेपालका नमबहादुर राना–४८ रहेका छन् ।
नेपाल मजदुर किसान पार्टीका लक्ष्मण अधिकारी–६३, नेपाली कम्युनिस्ट पार्टीका सोमबहादुर थापा–४८, राष्ट्रिय स्वतन्त्र पार्टीका श्रीराम न्यौपाने–५६, नेपाल कम्युनिस्ट पार्टी( माओवादी) का गणेशबहादुर लामगादे–४९, उज्यालो नेपाल पार्टीका मनराज गुरुङ–३२ र नेपाली कांग्रेसका शंकर भण्डारी–५७ ले पनि मनोनयन दर्ता गरेको जिल्ला निर्वाचन कार्यालय तनहुँले जनाएको छ ।
क्षेत्र नं. १ मा प्रमुख दलहरूका साथै स्वतन्त्र उम्मेदवारहरूको पनि राम्रै उपस्थिति छ । विशेष गरी नेपाली कांग्रेस गोविन्द भट्टराई, नेकपा एमालेकी भगवती न्यौपाने, राष्ट्रिय स्वतन्त्र पार्टीका स्वर्णिम वाग्ले र नेपाली कम्युनिस्ट पार्टीका विद्यानाथ ढकाल बीचको प्रतिस्पर्धा रोचक हुने देखिन्छ । स्वतन्त्र उम्मेदवार दिपकराज जोशीको यो क्षेत्रमा राम्रै प्रभाव रहेको छ ।
क्षेत्र नं. २ मा स्वतन्त्र उम्मेदवारी शून्य छ । यसले यो क्षेत्रमा दलीय राजनीति र संगठनको प्रभाव बढी रहेको संकेत गर्छ । यहाँ नेपाली कांग्रेसका शंकर भण्डारी र नेकपा एमालेका केदार सिग्देल बीच मुख्य प्रतिस्पर्धा हुने देखिन्छ नेपाली कम्युनिस्ट पार्टीका सोमबहादुर थापा र रास्वपाका श्रीराम न्यौपाने पनि प्रतिस्पर्धिका रुपमा अगाडि आउने आंकलन गरिएको छ ।
उम्मेदवारहरूमा मंगोल नेशनल अर्गनाईजेशनकी २८ वर्षीया सुष्मा आले देखि ७१ वर्षीय लेखनाथ खनाल स्वतन्त्र सम्मको उपस्थिति छ । यसले निर्वाचनमा युवा उत्साह र पाको अनुभव दुवैको प्रतिनिधित्व देखाउँछ ।
भगवती न्यौपाने, चिजामाया अधिकारी, रामलक्ष्मी दुवाल र सुष्मा आले जस्ता महिला उम्मेदवारहरूको मनोनयनले राजनीतिमा महिला नेतृत्वको बढ्दो सक्रियतालाई पुष्टि गर्छ ।
प्रमुख तीन÷चार दलबाहेक नेपाल मजदुर किसान पार्टी, मंगोल नेशनल अर्गनाईजेशन, श्रम संस्कृति पार्टी , उज्यालो नेपाल पार्टी जस्ता साना दलहरूको उपस्थिति छ । यिनीहरूले प्राप्त गर्ने मतले ठूला दलहरूको हारजितमा निर्णायक भूमिका खेल्न सक्छन् ।
तनहुँको निर्वाचनमा यसपटक पुराना स्थापित अनुहार र नयाँ वैकल्पिक शक्तिहरूबीच कडा टक्कर हुने देखिन्छ । क्षेत्र नं. १ मा स्वतन्त्र र नयाँ दलको प्रभाव बढी देखिन्छ भने क्षेत्र नं. २ मा परम्परागत दलीय प्रतिस्पर्धा बलियो छ ।