दमौलीमा २२ औं सचिन स्मृति दौड

दमौली/रोट्रयाक्ट क्लब अफ दमौलीको आयोजनामा २२ औं सचिन स्मृति खुल्ला दौड प्रतियोगिता हुने भएको छ ।
दमौलीको अनसन चौतारीबाट सुरु भई प्रसिद्ध तीर्थस्थल छाब्दी परिसरमा पुगेर समाप्त हुने दमौली–छाब्दी सचिन स्मृति खुल्ला दौड प्रतियोगिता पौष १३ गने शनिबार सम्पन्न हुने भएको हो ।
स्वार्थभन्दा माथि सेवा भन्ने मुल नारा सहित स्थापना कालदेखि नै विभिन्न समाजिक, सांस्कृतिक र शैक्षिक विकासको काम क्लबले गर्दै आएको छ ।
रोटरी कन्फरेन्समा सहभागी हुन भारतको कलकत्ता जाने क्रममा सन् २००३ मा वीरगञ्जमा सडक दुर्घटनामा परी मृत्यु भएका क्लबका संस्थापक सहसचिव सचिनकुमार श्रेष्ठको सम्झनामा क्लबले हरेक वर्ष दौड प्रतियोगिता गर्दे आएको छ ।