दमौली/नेपाल बार एशोसिएशन तनहुँ जिल्ला अदालत बार इकाईको बीसौं अधिवेशनले नेतृत्व परिवर्तन गरेको छ । तनहुँ जिल्ला न्यायाधीश हरिश्चन्द्र ढुङ्गानाको प्रमुख आतिथ्यतामा शुभारम्भ भएको अधिवेशनले अधिवक्ता डम्बरदेव हड्खलेको अध्यक्षतामा १३ सदस्यीय नयाँ कार्य समितिको सर्वसम्मत चयन गरेको छ ।
अधिवेशनले बारको आगामि दुई बर्षका लागि डम्बरदेव हड्खलेलाइ अध्यक्षमा चयन गरेको छ । त्यसैगरी उपाध्यक्षमा शिवराज काफ्ले, सचिवमा हरिमान श्रेष्ठ, कोषाध्यक्षमा रविन्द्र बाराकोटी र सहसचिवमा विष्णुभक्त सिग्देललाई सर्वसम्मत चयन गरेको छ । समितिको सदस्यहरुमा निवर्तमान अध्यक्ष भानुभक्त सुवेदी, त्रिभुवन श्रेष्ठ,चेतनारायण पौडेल, माधव घिमिरे, विष्णु हड्खले, विमल गिरी, शिव रेग्मी र विष्णु पोख्रेल चयन भएका छन् ।
अधिवेशनले केन्द्रिय अधिवेशनका लागि केशब भट्टराई, सरीता भण्डारी र शिवदत्त ढकाललाई केन्द्रिय पार्षदमा छनौट गरेको छ ।