समाचार

टुटेपानी/शान्ति युवा क्लब भानु नगरपालिका वडा नं. १३ ले आफ्नो २६औ बार्षिकोत्सव मनाएको छ । क्लबले आफ्नो वडाका वडाध्यक्षलाई प्रमुख अतिथिको रुपमा आमन्त्रण गरेको थियो । प्रमुख अतिथि भानु नगरपालिका वडा नं. १३ का वडाध्यक्ष राम बहादुर बानियाले युवाहरु सिर्जनशिलताको खानी हुन भन्दै सबै समस्याको समाधान युवाजनशक्तिले निकाल्न सक्ने बताउनु भयो । प्रमुख अतिथि बानियाले समाजलाई परिवर्तन गर्न देशका युवाजनशक्ति विदेशीनबाट रोक्न सक्नु पर्ने कुरामा जोड दिनुभयो । क्लबले टुटेपानी होमस्टे व्यवस्थापन समितिका अध्यक्ष क्या. होमबहादुर गुरुङ्गलाई विशिष्ट अतिथिको रुपमा पाएको थियो । क्याप्टेन गुरुङ्गले युवा जनशक्ति स्वदेशमै बसेर विभिन्न विकल्पहरुको खोजी गरी देश निर्माण गर्नुृ पर्दछ भन्ने मूल उद्देश्यका साथ आफूले टुटेपानी होमस्टेलाई व्यवस्थित गर्न नेतृत्व सम्हालेको चर्चा गर्नुभएको थियो ।
क्लबकी अध्यक्ष सीता गुरुङ्गको सभापतित्वमा भएको सो कार्यक्रमको सञ्चालन सदस्य अमिन गुरुङ्खले गरेको टुटेपानीबाट बाबुराम खनालले तनहुँआवाजलाई बताउनु भयो । टुटेपानी होमस्टेको चर्चा चलाउनमा शान्ति युवा क्लबको प्रसनीय भूमिका रहेको छ ।