समाचार

दमौली/ व्यास नगरपालिकाले नगर क्षेत्रभित्रका ज्येष्ठ नागरिक लक्षित चार दिने निःशुल्क आँखा शिविर चलाएको छ । फागुनको ११, १२, १३ र १४ गतेसम्म सो शिविर सञचालन हुने नगरपालिकाले जनाएको छ । हिमालय आँखा अस्पताल घारीपाटन पोखराको प्राविधिक सहयोगमा शिविर सञ्चालन गरिएको शिविरमा व्यास नगरपालिकाको १४ वटै वडाका ज्येष्ठ नागरिकहरको परिक्षण गरिने नगरपालिकाले जनाएको छ । शिविरको उद्घाटन गर्दै ब्यास नगरपालिकाका नगरप्रमख बैकुण्ठ न्यौपानेले ज्येष्ठ नागरिकको आँखाको ज्योतिमा देखिएको समस्या हटाएर संसार देखाएर ज्येष्ठ नागरिकको सम्मान गर्ने प्रयास गरिएको बताउनु भयो । नगरपालिकाको यस अभियानमा सहभागि भएर आत्मसम्मान ग्रहण गर्न नगरप्रमुख न्यौपानेले नगरवासीलाई आग्रह गर्नुभएको थियो । शिविरको उद्घाटन कार्यक्रमलाई नगरपालिकाकी उपप्रमुख मिरा जोशी, प्रमुख प्रशासकीय अधिकृत डिल्लीराम सिग्देल, शिक्षा तथा सामाजिक शाखा प्रमुख नगेन्द्र रेग्मी, वडा नं. का वडाध्यक्ष कासीराम श्रेष्ठ, कार्यकारिणी सदस्य तमबहादुर दरै लगायतले सम्बोधन गर्नुभएको थियो ।