उत्पत्ती:सन् २०१९, डिसेम्बरमा चिनको उहान प्रान्तमा पहिलो पहिचान भएको कोरोना भाइरस कोविड १९को नामले बिश्वभर फैलिएको हो ।
नेपालमाः कोविड १९ को रोग नफैलियोस भनेर चैत्र ११ देखी विभिन्न चरणमा लकडाउन र निषेधाज्ञा हुदै आज १३८ दिन (चैत्र १९, बैसाख ३१, जेठ ३२, असार ३१, श्रावण ०७ र भाद्र १८ दिन) भै सकेको छ । श्रावण महिनामा जिल्ला भित्रमात्र केहि दिन लकडाउन खुकुलो पारीएको भएतापनि जनजीवन सहज हुन सकिरहेको छैन भने हाल उपत्यका सहित ४० जिल्लाहरुमा स्थानीय सरकारहरुले निषेधाज्ञा जारी गरेको अवस्था छ ।
विश्वमा: सेक्टेम्बर २, २०२० मा वल्डमिटरको तथ्याड.क अनुसार विश्वमा २५ करोड ९ लाख ५ हजार ७४२ उक्त रोगवाट संक्रमित रहेका छन् भने ८ लाख ६१ हजार २७५ जनाको मृत्यु भै सकेको छ भनीएको छ ।
नेपालमाः स्वास्थ्य तथा जनसंख्या मन्त्रालयका अनुसार हाल सम्ममा निको भएको संख्या २२ हजार १७८, मृत्य संख्या २३९ जना रहेको छ भने हाल सम्म ७ लाख ०५ हजार ५६० ले पि.सि.आर.जाँच गरेको भनीएको छ ।
जनताको प्रश्नः कोविड १९को संक्रमणले भन्दा लकडाउन र निषेध्याज्ञले नेपाली जनताहरु आक्रान्त भएको समाचार आईरहेका वेला जनताको सरकार किन वेखवर जस्तै छ ? बहुमत प्राप्त सरकार किन जनता प्रति उत्तरदायि छैन् ? जनताको रोग, भोक, गाँस, वाँस र कपासको ग्यारेन्टी गर्छु भनि बहुमत वटुलेको सरकार किन जनताको आवाज नसुनी अन्नेत्रै मोडिएको छ वा वुझपचाई रहेछ? सरकार किन जनतालाई जवाफ दिन चाहिरहेको छैन् ?
नेपाली जनताहरुले सोच्नुपर्ने वेला आएको छ प्रजातन्त्रमा जनता शक्तिशाली हुन राज्य होइन । यसर्थ, सत्तामा बसेका स्थायी र अस्थायी सरकारहरु आफुलाई शक्तिशाली ठान्छन् भने त्यो भ्रम मात्र हो । आज नेपालमा सुत्केरी महिलाले उपचार पाएका छैनन्, किड्नीका रोगीले डाईलासीस गर्न पाएका छैनन्, दीन हीन गरिब जनता काम गर्न नपाएर भोक भोकै बस्नु परेको छ, लकडाउन र निषेध्याक्षको नाममा जनता बाटोमै तडपीरहेका छन्, साहुको ऋण तिर्न र आफना परिवारका लागि बिदेशीएका जनता पि.सि.आर. परिक्षण र क्यारेन्टाइनमा बस्दा कमाएर ल्याएको पैसा काठमाडौमै सकि रितै घर फर्किनु परेको अवस्था छ, उच्च शिक्षा पढ्नका लागि भर्ना हुने बिद्यार्थिहरु कक्षा ११ को परिक्षा बाट बच्चित छन्, कति मानिसहरु व्यवसाय चौपट भएर डिप्रेशनमा परेका छन्, कोहि उपाय केहि नदेखेर आत्महत्या गर्न बाध्य छन् । यी यावत् कुराहरुले गर्दा जनताहरु कोरोना बाट हैन अन्य कारणले नै ग्रसित बनेका छन् ।
आम नेपाली जनताहरु, सोचौं वुझौ र ममन गरौं । दीन हीन दुःखी र गरिब तथा साना करदााताहरुले तिरेको पैसाबाट चल्ने गरेको यो हाम्रो सरकारले किन नेपालीलाई यातना दिईरहेको छ आम नेपाली जनताहरु यसको कारण खोज्न एकपल्ट घोत्लीनुनै पर्ने देखीएको छ ।
उपयुक्त उपायः संघिय सरकार लगायत स्थानीय सरकार र प्रदेश सरकारहरुले नेपाली जनताको चाहाना बुझि सोही बमोजिम अन्य बैकल्पीक उपायको खोजी गरि जनतालाई यस्को निकास दिनुनै उपयुक्त हुनेछ भन्नेमा कसैको दुई मत हुदैन होला । यसर्थ, सरकारले जनता स्वःस्फुर्त लकडाउन मार्फत निकास दिनुपर्ने आजको तड्कारो आवश्यकता भै सकेको छ ।